جدہ (بیورو رپورٹ) یونین کونسل نگری بالا کی ممتاز شخصیات کی ادائیگی عمرہ کے سلسلہ میں سعودعرب آمد، سعودی عرب میں موجود پاکستانی کمیونٹی کے افراد نے استقبال کیا۔ تفصیلات کے مطابق گلیات کی یونین کونسل نگری بالا کی کئی ممتاز شخصیات عمرہ کی ادائیگی کے سلسہ میں سعودی عرب پہنچ گئی ہیں، ان میں گاؤں کسالا کی ممتاز سماجی شخصیت، اور نادرا اسلام آباد کے ڈائریکٹر ایڈمن، لیفٹیننٹ کرنل ریٹائرڈ سردار فضل الرحمان اورگاؤں نگری بالا کی ممتاز شخصیت اور واپڈا ایبٹ آباد کے ہر دلعزیز افسر، سردار لیاقت علی بھی شامل ہیں، سردار لیاقت علی کے ساتھ ان کی اہلیہ بھی عمرہ کے لئے آئی ہیں۔ ان کی سعودی عرب آمد پر گلیات سے تعلق رکھنے والے پاکستانی کمیونٹی کے افراد نے ان کا استقبال کیا۔ اور عمرہ کی ادائیگی کے دوران ان کی مدد اور رہنمائی کے لئے اپنی خدمات پیش کیں۔
