تتریلہ (نمائندہ گلیات ٹائمز) تتریلہ کا نوجوان مقبوضہ کشمیر میں بھارتی فوج کے ساتھ لڑائی میں شہید، تتریلہ میں غائبانہ نماز جنازہ ادا کی گئی۔ تفصیلات کے مطابق یونین کونسل نگری بالا کے گاؤں تتریلہ کا ایک نوجوان مقبوضہ کشمیر میں بھارتی فوج کے ساتھ لڑائی میں شہید ہوگیا ۔ پچیس سالہ نوجوان جس کا نام ساجد زمان ولد محمد زمان تھا مقبوضہ کشمیرمیں فعال ایک جہادی تنظیم کے ساتھ پچھلے دو سال سے منسلک تھا اس جہادی تنظیم کے نمائندوں نے دو روز قبل ساجد کے والدین کو اطلاع دی کہ وہ پچھلے جمعہ والے دن بھارتی فوج کے ساتھ جھڑپ میں شہید ہو گیا ہے ۔ ساجد چار بھائیوں میں سب سے چھوٹا تھا اور اس نے میٹرک تک تعلیمحاصل کر رکھی تھی۔ ساجد زمان کا غائبانہ نماز جنازہ تتریلہ میں اداکی گئی جس میں گاؤں کے لوگوں نے بڑی تعداد میں شرکت کی۔
