چھانگلہ گلی (نمائندہ گلیات ٹائمز) گلیات میں سردی کی شدت میں اضافہ، رات کے ساتھ ساتھ دن کادرجہ حرارت بھی گر گیا۔ سورج غائب، بادلوں نے گلیات کے بلندوبالا پہاڑیوں کو اپنی لپیٹ میں لے لیا، علاقے میں بارش اور بلند مقامات پر برفباری کا امکان۔ تفصیلات کے مطابق ملک بھر کی طرح گلیات اور نواحی علاقوں میں سردی کی شدت میں اچانک اضافہ ہو گیا ہے، رات کے وقت پہلے ہی خوب سردی پڑ رہی تھی مگر پچھلے دو روز سے دن کا درجہ حرارت بھی کافی حد تک گر گیا ہے اور سورج بادلوں کے پیچھے چھپ گیا ہے۔ گلیات کے اکثر علاقوں میں سرد اور تیز ہوائیں چل رہی ہیں اور بادلوں نے بلندوبالا پہاڑوں کو اپنے لپیٹ میں لے لیا ہے، محمکہ موسمیات کی پیش گوئی کے مطابق اتوار سے مری گلیات اور نواحی علاقوں میں بارش اور بنلد مقامات پر برفباری کا امکان ہے۔ جس سے سردی کی شدت میں مزید اضافہ ہو جائے گا۔
