زیارت معصوم (نمائندہ گلیات ٹائمز) سیر غربی کا عوام کرایوں میں کمی کے فیصلے پر عملدرآمد کرانے لئے سڑکوں پر آ گئے، فیصلے پر عمل نہ کرنے والوں کے خلاف احتجاج کرتے ہوئے سڑک پر دھرنا دے دیا، تفصیلات کے مطابق علاقہ سیر غربی کے معززین پر مشتمل ایک کمیٹی نے حکومت کی طرف سے پٹرول اور ڈیزل کے نرخ نمایاں طور پر کم کرنے کے نتیجے میں علاقے میں چلنے والی ٹرانسپورٹ کے کرایوں میں کمی کا فیصلہ کیا تھا جس کا علاقہ سیرکے عوام نے زبردست خیر مقدم کیا تھا تا ہم ٹرانسپورٹر حسب عادت تاخیری حربے استعمال کرنے پر تل گئے اور کرایوں میں کمی نہ کی جس کے نتیجے میں علاقہ کی عوام سڑکوں پر نکل آئے اور سڑک پر دھرنا دے کر گاڑیوں کی آمدورفت معطل کر دی۔ انہوں نے اعلان کیا کہ اگر کرائے کم کرنے کے فیصلے پر عملدرآمد نہ کیا گیا تو وہ وہاں کسی گاڑی کو چلنے نہیں دیں گا۔
